قصيدة للمنتخب

ما همنا الفضة ولا كأس الذهب
يكفي انا نمتلك هالمنتخب
يا عساكم رافعين الرأس دوم
فوق عالي فوق هامات السحب
ما معي لافعالكم اية وصوف
انتو اكبر صرتوا وسام ع صدور العرب
وخايف ما كون في وصفي نصوف
برشلون وهم برازيلي اللقب
ولقبوكم هم بيونان العرب
وحن بفخر ما نقول الا عماني
الاصل يبقى الاصل مهما انكتب
وابتدى بنجم يروق الكم ولي
كالاسد هو في عرينه بان لي
بالله عليكم ما عرفتوا هالاسد
الحكي مقصود به الحبسي علي
والزعيم اللي حكا عنه الجميع
مو خطأ سموه بالسد المنيع
تطمأن اليا تشوف في الدفاع
منهو غيرك عاد يمحمد ربيع
وخذ كلامي اللي بقوله بالوكاد
ماحد ماقد هتف باسمك وشاد
وميزتك الشجلبه بعد الهدف
وصار كل ينتظرها يا عماد
وانت في الملعب وجودك همني
يوم أشوفك قلت نفسي اتطمني
البدر لو غاب في عالي سماه
البدر في الملعب اسمه الميمني
ولا بورجل الذهب ماله مثايل
يعني في العالم من أمثاله قلايل
وانشدك بالله جاوبني بصراحة
كارلوس وشهو طلع يمك يعايل
ومنتخبنا اللي قبل فيه استهانو
حن عرفنا ليش افراده يعانو
الدينمو ما كان في الملعب معاهم
واصبح معانا دينمو يسموه ‏كانو ‏
وذاك به نخوه جنود محاربين
يلعب الشوطين وعزمه ما يلين
يرصد الكوره وعينه ما تخون
مو خطأ سمّوك يا فوزي الدوربين
ونجم اسمه ع الصحف مرّه تصدر
خلا خصمه يعض ع يدينه ايتحسر
غلطة الشاطر ومسرع ما فداها
صفقوا يالله وحيوا هالمظفر
وقلبنا لو كان حد سمّا العنيد
عندنا نجم نبرهن به أكيد
ما نسمي غير اسم ع مسمى
وما عرفنا شيء اعند مالحديد
ومن طول الغيبات يابلنا الغنايم
وينك انته وين يا راعي العزايم
كنا في حاجة لذاك الهدف والله




وجيت ع الطاير وحطيته يا هاشم
ونجم له مني تحيات وتهاني
ما نسينا وقفته ذاك العماني
في منصات التتوج بافتخار
واعتقد كل شهد فنك يا هاني
والشون والعجمي بحييهم ع ذوقي
ما عليهم شيء من هذا يفوقي
وانته يا يعقوب والوهيبي معاهم
وما نسيتك انت لا والله يا طوقي
واحتياط في الملاعب ما شهدته
الفسموحة ان كان اسمه ما ذكرته
بس اندري كل مكمل بعض
لي وصفته مثل يلي ما وصفته
وبوجودك منتخبنا قد تعلا
استمر يا كوتش واياك اتخلى
لا حشا لا ما نبي غيرك مدرب
حن وصلنا القمة بك يا ماتشالا



منقوووووووووووووووووووووووووووووووووووووووووووووووووووووووووووووووووووووووووووووووووووووووول